1إزيّ حال صدقي وحال بور سعيدْوقعدِتُه فيها لوحده فريدْ
2لا يوم يفوت طيب ولا نهار سعيدولا أمور تفرِح ولا شيء مفيدْ
3فاتكَ جميل تصطاد سمك م القنالوتلمّ من وسْط البحيرهْ ودعء
4وتبيع فراخ رومي وتخطف عيالوتشيل فحوم بعد العشا في القصعْ
5وتجيب زحالف لَجْلْ جَرّ اللبانمن بر آسيا في زكايب قزايز
6وتقيد فنار البلط بعد الأدانوتبيع سنانير للسمك في البوغاز
7عمل جميل غرفان في شهرِ العسليسرح ويمرح في التباتِ والنبات
8وإنت في شهرِ الوخمِ والكسلوإللي فيه تصبح كمان يه تِبات
9يمكن يطيب لك يم تكون في السويسِإنك تروح مكه في مركبٍ شراع
10وتلبّ لما تنفلق في قُبيسِوتحط لك في قعرِ زمزم صباع
11وإن فاض معك فكه تجيب جوز سَبحوجلْد حنّه معْ صفيحة مياه
12وتجيب معاك في الخرج حبلين بلحوإنْ كرنَكُوكْ في البحرِ تبلع نواه
13وبعد ما ترجع تقيم الفرحوتحط راسك في جراب الجواز
14وإن شاء الله ما جا الزرع بعدين قدحأسم الأفا أجوّز وراح الحجاز
15سمعت من طلعتِ نهار ما حضرإنك صحيح قربت تكتب كتابْ
16وتبطل التضحيك وشغل السهروتعمر الكون بعد ما كان خرابْ
17هوّا جرا لعقلك خلل يا عبيطحتى تسلم لحيتك للمره
18حدِّش يكون سايب ويرجع ربيطويقول يا ريت اللي حصل ما جرى
19يعني رأيت مين في الجواز اتنصفاللي انكسر ضهرُه وإللي اتوحس
20وكل ساعه في بلاوي وقرفوغلب أزرق والنكد والفلسْ
21يمكن ما حدش بس قال لك صريحذنبك على جنبكِ أدينْ قلت لك
22من قبل قالوا يا فصيح لا تصيحعشان كده ما لقيتش مين عقّلك
23أدينِ نصحتك وإنت إعمل هواكوإن كان في راسِ الجحشِ صوت ينْهقُه
24وادخل جهنم صرف وابلغ مناكوهات على الضبه الوسخ والزقُه
25إجوّز احسن لأجل ما تتلخمْوتفضّ مسخ الشعر يا شيخ ثمود
26وتخُش من قبل العشا تنتخموالشعر يسلم من أيادي اليهود
27خسّرت شعر الخلق يا ابن الحلالواللي عمل له بيت هدّمتُه عليه
28كانت قصيده تِسْوي أردب مالتلفت وشوقي بس راح يعمل أيه
29راحت على عينه قصيدةْ طربما فيش كده رقه وحسن انسجام
30تَلَفْتْ حالْها بعد ما كان عجبالله يجازي شغل إبن الحرام